Universitetet i Bergen har satt seg som mål å bli klimanøytralt innen 2030. For å nå målet er det svært viktig at studentmassen involverast, og dei lyser derfor ut fire 20 %-stillingar som berekraftspilotar.

Som berekraftspilot vil du vere tett knytt opp mot leiinga ved universitetet og kan motivere og engasjere både studentar og tilsette til ein felles klima- og berekraftsdugnad. Det vil også vere moglegheiter for samarbeid med næringsliv, organisasjonsliv og relevante aktørar.

UiB søkjer fire studentar til å fylle stillingar innanfor følgande arbeidsområde:

Studie og fag

– Formidle studie og emne som er tilgjengelege på UiB innanfor berekraft, klima og miljø.

– Styre Berekraftspilotane sine sosiale medie-kanalar.

– Vedlikehalde delar av nettsida UiB Berekraft.

Berekraftig studentliv

-Jobbe med Byttebua Bergen.

– Organisere berekraftige aktivitetar for studentane, til dømes ryddeaksjonar og nettverksarrangement.

– Vere eit bindeledd for studentorganisasjonar i Bergen som jobbar med berekraft, klima og miljø.

– Vedlikehalde delar av nettsida UiB Berekraft.

Klimanøytralt UiB

-Delta på prosjekter relatert til Klimanøytralt UiB.

– Inngå i styringsgruppa for Klimanøytralt UiB.

– Drive formidling knytt til klimarekneskap, prosjekter og anna aktivitet knytt til Klimanøytralt UiB.

SDG-konferansen (SDG Conference Bergen)

– Delta i sekretariatet for SDG-konferansen.

– Hjelpe sekretariatet med planlegging.

– Hjelpe med involvering av studentorganisasjonar for Day Zero.

Som berekraftspilot ved UiB vil du

• Få oppfølging av ein mentor knytt til arbeidsområdet
• Planlegge, gjennomføre og evaluere aktivitetar som kan bidra til å sette berekraft og klimanøytralt UiB på dagsorden ved UiB, innafor ramma for budsjett tildelt berekraftspilotane sitt arbeid
• Vere eit bindeledd mellom studentane og universitetsleiinga, og følge opp studentinitiativ knytt til berekraft og Klimanøytralt UiB
• Produsere og synleggjere innhald knytt til arbeidsområdet på sosiale medium og UiB sine nettsider
• Ha fast kontortid ein dag i veka saman med dei andre berekraftspilotane
• Ha dialoglunsjer med rektoratet to ganger i semesteret (berekraftig lunsj)
• Utarbeide årsrapport som skal vere klargjort før avslutning av oppdragsperioden

UiB søkjer etter deg som:

• Er student ved Universitet i Bergen
• Har eit stort engasjement for berekraft og eit ynskje om å legge til rette for studentane si rolle i arbeidet
• Har interesse for prosjektarbeid og styring av prosjekt
• Likar å arbeide i team samtidig som du evner å arbeide sjølvstendig
• Er initiativrik og arbeider målretta

UiB tilbyr:

• Som berekraftpilot får du høve til å arbeide med prosjekt og aktivitetar som vil kunne bidra til å auke studentane sin kompetanse på berekraft
• Erfaring med arbeid i ein stor statleg organisasjon
• Du vil få utvida og etablert nettverket ditt ved UiB og samstundes arbeide med nybrottsarbeid
• Arbeidstidene vil vere fleksible slik at du kan kombinere stillinga med studiar.
• Løn som konsulent etter lønstrinn 35-39 (kode 1065/LR17/alt. 5) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr 364 400 – 382 900 i 100 % stilling. For særskilt kvalifiserte søkjarar kan det bli aktuelt å vurdere høgare løn
• Medlemsskap i Statens pensjonskasse
• Gode velferdsordningar

Generell informasjon om stillinga

Stillinga varer formelt frå 15. august 2022- 15. juni 2023, men det blir timelønna opplæring i samarbeid med nåverande berekraftspiloter i juni 2022.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Søkjarane bes spesifisere kva for eit område dei ynskjer å jobbe med.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Nærare om tilsettingsprosessen her.